وداعا للمسام الواسعه
ناس كتير بتشتكي من المسام الواسعه جبتلكوا ماسكات للتخلص من المسام الواسعه في البشره اولا يا حبايبي عشان نقلل من المسام الواسعه بصوره كبيره هنستعمل اول حاجه ماسك الزبادي ايه فايدته بقي الزبادي فيه حمض اللبنيك و البروبيوتيك ف لما بنحطهم علي البشره بيقلص حجم المسام بطريقه ملحوظه هنستعمله ازاي .....هنحط الزبادي علي البشره من 5 الي 10 دقايق مش اكتر وهنستعمله مره واحده في الاسبوع ثانيا بقي مكعبات التلج يا بنااااات هااااايله جدا في تقليص المسام خاصه لو استعملتيها قبل المكياج هنعمل ايه بقي هنملي مكعبات التلج ونزود نقطين ماء ورد وشريحه خيار صغننه اوي ونحطهم في الفريز ولما يبقي تلج هناخد مكعب ونحطه في فوطه او قماشه ونمشيها علي البشره وهنستعمل كده يوميا ثالثا ..... هنستعمل خل التفاح كتونر لتنظيف البشره يوميا بجد فوووق السحر بيشد الجلد وبيقلل المسام الواسعه ويبوازن الحموضه في الجلد و بيقتل البكتريا والميكروبات ومضاد للالتهاب ده غير انه بيساعد علي منع ظهور الحبوب بجد هااااايل هنستعمله ازاي هنخلطه بكميه متساويه بالمايه وبقطنه ونظفي البشره اتحداكي لو لاقيتي اي مسام واسعه