نصائح بسيطه لبشرة نقيه
البنات اللي بيطلعلها حبوووب بعد الفتله او الشمع او السويت للجسم وصفه مش هتكلفك جنيه بس وكمان هتفتح وتقلل ظهور الشعر ف المكان ده.
فى حاجة اساسية لازم تتعمل بعد الفتلة او الشمع عشان تقفلى بيها مسام وشك عشان تمنع ظهور الحبوب
و حاجات بسيطة من البيت مش هتكلفك حاجة
تروحى الكوافير تحاولى على قد متقدري يكون اخر النهار لسبيبن
الاول تكون خلصت مشاويرك كلها ووشك مش اتعرض للجو والتراب و مسامات وشك مفتوحة وملتهبة
و عشان تكون الشمس غابت شوية ومش تأذي البشرة
تانى حاجة قبل الفتلة نغسل وشنا بماية دافية عشان نشيل اى بكتريا او اتربة عشان الفتلة بتفتح المسام فالاوساخ دى ما تدخلش المسام
اعملى كريم من النشا حوالى ٤ملاعق نشا او بديل له بودرة التلك اللى يعجبك دى او دى
و٤ملاعق ماء الورد واخلطيهم كويس وتكونى مجهزاه و حطاه ف التلاجة
واول ما ترجعى حطيهم ربع ساعه لحد ماينشف
وبعد كده اغسلي وشك ونضفيه كويس بعد نزع الشعر بيكون المسام مفتوحه فلو غسلنا وشنا بصابون في كحول زي الديتول و الكبريت و الصابون المعطر يخلي البشره تلتهب أكتر لأنها بتكون حساسه في الوقت ده و مسامها مفتوحه الأحسن أننا نغسل وشنا بصابون جليسرين أو بزيت الزيتون ولو حسينا إن البشره ألتهبت أو حصل حبوب او أحمرار بعد نزع الشعر نحط كريم فيوسيدين ده كريم مضاد حيوي و مفيهوش كورتيزون
وباليل تكونى محضرة مكعبات تلج ماية الورد يعنى مش ماية لا تكون ماية ورد قبل النوم امسحى بشرتك بيه
ملحوظه
ايه اللى هنستفاده من الوصفه دى
اولا منع ظهور الحبوب لاننا هنقفل المسام بعد ما الفتلة فتحتها
ثانيا تفتيح البشره ونعومتها
اخر حاجة انا ساعات كتير بستغل فرصة المسامات المفتوحة للبشرة واعملها اي ماسك يغذيها
بلاش مسكات التقشير دلوقتي خلينا في التغذية
يعني عسل وزبادي اي زيت
او امسح وشي بلبن بارد
مع تمنياتي لكي بجمال واشراق دائم
تعليقات