وصفات لجمالك بمواد طبيعيه

وصفات لجمالك بمواد طبيعيه
1-هاتى حنة بيضة من العطار ومش غالية ب 7 ونص او 10 جنيه واخلطيها مع ماء ورد وخدى شور دافىء وبعدين ادهنى جسمك كله بيها بعد
السويت بيوم وسيبى الحنة على جسمك لما ننشف وبعد ماتنشف ادخلى تحت الدش افركيها ف حركات دائرية واغسلى
جسمك بالليفة المغربيه برضه فحركات دائرية والليفة برده م العطار وهتلاقى سعرها بيبتدى م 10 ل 25 جنيه
واوعى تنسى شعرك
وانتى حاطة الحنة هاتى كيس مايونيز اللى بجنيه ده ( حوالى 3معالق)ومعلقة عسل نحل و2فيتامين ( E ) و4 معالق حمام كريم اي نوع
حمام كريم بتفضليه او يمشى مع شعرك وتغطى شعرك ببونيه وسبيه ولما تيجى تغسلى الحنة اغسلى شعرك
2-شفايفك
اغلي نصف كوب ماء كركدية واخلطيه بعد الغلي مع فازلين وادهني شفايفك كل يوم بالليل اسبوع
هتبقي وردية طبيعي لمدة شهر وهتدعيلى
3-اسنانك
عاوزة اسنانك تفضل بيضاء وابتسامتك تنور؟؟
اخلطي بيكربوناتو وبتجبيه م عطار بجنيه ب2 جنيه كده يعنى
المهم هتخلطيه مع عصير ليمونة وادعكي اسنانك بالخلطة
دقيقتين بفشرة ستانك واغسليها بالماء وهكذا مرتين اسبوعيا او مرة لتجنب التهاب اللثة والنتيجة بياض ولمعة
4-تمتعي بنعومة قدمين كالأطفال
ربع قزازة Listerine موجودة بالصيدلية وربع كوب خل واثنين كوب ماء وحطى رجليكي فيهم 15دقيقة
وبعدها افركيها بفوطة او يستحسن بالحجر الخفاف هايطلع كل الجلد الميت وادهني رجليكي بكريم مرطب او كريم فازلين وشوفي
بقي الجمال والنعومة
5-لمعان وريحة حلوة لجسمك
بعد ما تعملى جسمك سويت او شمع ادهنى فازلين طبي هتلاقى جسمك لامع وهييبقى ناعم
ريحة حلوة فى جسمك من أبسط الأمور هاتى فازلين طبى مع زيت لوز وزيت عطرى سيحى الفازلين
ولما يسيح تضيفى زيت اللوز الحلو مع الزيت العطري وحطيه فى علبه و بعد الشور تنشفى جسمك كويس
جدا وتدهنى يا سلام على الريحة أسبوع ريحة جميلة.